قصة دموعي

قصة دموعي

مـا أظنـك كنت بتسافر لـو دريـت ب قصة ادموعي

اجذبت من خـدي الناظر و انشـرح للنـاس مـوضوعي

كنت أوادع بس مب قادر واقـفٍ و أشرت ب اصبوعي

شاعـرٍ مب مثل أي شاعر نبض قلـبي يكـسر ضـلوعي

مـا عليك أهـون يا هاجر رحـت عـني دون لـرجوعي

يـوم ييـت بطـيبة الخاطر و اشتبك بك قـلبي ب طوعي

نـال مني طـرفك الساحر لـيت مـنك نلـت مطموعي

خـذتني ب عندك وانا صابر القلـم في الـحب مـرفوعي

غـلطتي اني قلت لك حاضر مـا رضيـت أحـط ممنوعي

وش عقب صدك بعد قاصر كل يـوم اتزيـدني ب نوعي

ليش حـظي في الهوى عاثر عـني لي ابـغيه مـنزوعي

لا انتـه لـي اول و لاآخر شخـص سبب في الهوى لوعي

دايم اللـي ب طيـب يتعاشر لازم انـه ايـطيح مـايوعي

الـوفا طـبعي مـع الـغادر و الشـقا لي حـق مشروعي

خلي القلب

مواقع أدبية

لمراسلة الموقع

سجل الزوار

الصفحة الرئيسية