يا أميرة

يا أميرة

يا أميرة حارت أنوار الإمارة وانتثر في العاصمة نورك و نور

القمر كنه نزل بيشوف جاره وقف اللحظات والدنيا تدور

ما عرفنا اليوم من بيكون جاره منزل ٍ فاق الجمال أبهى القصور

يا أميرة تعتذر مني العبارة زفتك ما مرّت ف وصفي بعبور

ليلتك أحلى من أحلام السهارى وأبهج الألوان و أنغام السرور

من دخلتي وكلها عيون ٍ حيارى فتنة ٍ تبهر معازيم و حضور

خطوة بخطوة ومحلاها استدارة غارت النسمة و تزاغيها الزهور

الحسن وقف على طرف انبهاره واندهش من زين ربات الخدور

نرجس واسمك نفح طيب انتثاره و عطّر الأجواء لا عود وبخور

ارتقي عرش ٍ تزخرف بالحجارة الكريمة اللي من أحضان الصخور

و اقعدي يا سيدة كل العذارى جنب لي ف كل الجميلات امعذور

أنتي حلم ٍ له تنقته استخاره فيض رحمن ٍ على عبد ٍ شكور

يعل يسعد والفرح يسكن دياره مع لدين العود مهضوم الخصور

يستظل برمش الأعيان في نهاره والليالي معسلات ابلا شهور

وف دعاء الوالدين أغلى البشارة و السعادة و الهنا بليا كدور

وين يا راعي الدخون اشعل شرارة شبة ٍ تبعد مضرات الشرور

تحفظ الأحباب عنه لي تدارى بالحسد وعيون راعيها امعثور

يا أميرة بارك الله ف اختياره وصار حظك ما بعد حظ ٍ يصور

هذا فال السعد لي يشفي انتظاره والنصيب اللي عطاه ابلا قصور

خلي القلب

مواقع أدبية

لمراسلة الموقع

سجل الزوار

الصفحة الرئيسية